NationalPosted at: Oct 9 2019 11:38PM حکومت پبلک سیکٹر کی کمپنیوں کو فروخت کررہی ہے: کانگریس
نئی دہلی، 9اکتوبر (یو این آئی) کانگریس نے حکومت پر اقتصادی مندی کے تعلق سے بات کرنے سے بچنے کا الزام لگاتے ہوئے کہاکہ وہ اس سے نپٹنے کے اقدامات نہیں کررہی ہے اور اس کے برعکس فائدہ میں چلنے والی پبلک سیکٹر کی کمپنیوں کو فروخت کرنے کی تیاری میں مصروف ہیں۔
کانگریس ترجمان پون کھیڑا نے بدھ کو یہاں پارٹی ہیڈکوارٹر میں پریس کانفرنس میں کہاکہ حکومت پرائیویٹ شعبہ سے سرمایہ کاری حاصل کرنے میں ناکام ہورہی ہے اور اب فائدہ میں چلنے والی پبلک سیکٹر کی نورتن کمپنیوں کو سرمایہ کشی کی تیاری کررہی ہے۔
مسٹر کھیڑا نے کہا کہ پبلک سیکٹر کی کمپنی بی بی سی ایل فائدہ دینے والی کمپنی ہے اور 31مارچ تک اس کا فائدہ 31 فیصد تک بڑھا ہے لیکن حکومت کی اس منافع میں چلنے والی کمپنی کو 68ہزار کروڑ روپے میں فروخت کرنے کی تیاری ہے۔ حکومت کی اسے فروخت کرنے کی تیاری پہلے سے ہی تھی اس لئے اس نے 2016میں تین ایکٹوں کو پارلیمنٹ سے منسوخ کروا دیا اور اس کمپنی کو فروخت کرنے کا راستہ صاف کیا تھا۔
جاری یو این آئی۔ م ع۔ 1850