نئی دہلی، 21 اکتوبر (یو این آئی) ملک میں کورونا وائرس کی ٹیکہ کاری مہم کے 279 ویں دن جمعرات کے روز 56 لاکھ سے زیادہ ٹیکے لگائے گئے اور اس کے ساتھ ہی، ملک میں 100 کروڑ ٹیکے لگانے کی تاریخی کامیابی حاصل کی گئی ہے۔
مرکزی وزارت صحت وخاندانی بہبود نے دیر شام کو یہاں بتایا کہ ملک میں ٹیکہ کاری مہم کے تحت آج شام 7 بجے تک ایک ارب 53 لاکھ 63 ہزار 691 ویکسین دی گئی ہے۔ آج 56 لاکھ 11 ہزار 985 ٹیکے لگائے گئے ہيں۔
اعداد و شمار کے مطابق 70 کروڑ 91 لاکھ 10 ہزار 871 افراد کو ویکسین کی پہلی خوراک دی گئی ہے جبکہ 29 کروڑ 62 لاکھ 52 ہزار 820 کو دوسری خوراک دی گئی ہے۔
وزارت کے مطابق، ٹیکہ کاری کا باقاعدہ جائزہ لیا جاتا ہے اور اعلیٰ سطح پر نگرانی کی جاتی ہے۔ وزارت صحت نے کہا ہے کہ ٹیکہ کاری دیر شام تک جاری رہی، اس لیے حتمی تعداد بڑھنے کا امکان ہے۔
یو این آئی۔ م ش۔2315