نئی دہلی، 20 اگست (یو ا ین آئی ) ہندوستان چین کے درمیان ڈوکلام کے سلسلے میں گزشتہ دو ماہ سے جاری کشیدگی دونوں ممالک کے شبہات آمیز تعلقات کاصرف ایک پہلو ہے۔ دونوں ملکوں کے درمیان 1962 کے بعد کوئی راست طور پر جنگ نہیں ہوئی ہے لیکن اقتصادی محاذ پر شہ اور مات کا کھیل چلتا رہتا ہے۔ ڈوکلام کشیدگی دونوں ممالک کے تجارتی اور اقتصادی تعلقات کے لئے تشویش کا ایک سبب ہے۔چین نے حالیہ دہائیوں میں جنوبی ایشیا تک پہنچنے کے لئے کاروبار، مالی تعاون، سرمایہ کاری اور سفارتی تعلقات کا سہارہ لیا ہے۔ چین کے جنوبی ایشیا میں بڑھتے قدم ہندوستان کی سیاسی اوراقتصادی طور پردونوں میں مہلک ہیں۔ ہند نیپال، سری لنکا، بھوٹان اور بنگلہ دیش کے ساتھ اچھے کاروباری تعلقات رکھتا ہے، اور اسی وجہ سے وہ اب بھی ان ممالک کے لئے بہترین تجارتی پارٹنر ہے۔ لیکن چین گزشتہ چند دہائی کے دوران جنوبی ایشیائی ممالک کے لئے سب سے بڑا برآمد کنندہ بن گیا ہے۔ وہ 2005 میں ہندوستان کو پچھاڑتے ہوئے بنگلہ دیش کا سب سے بڑا تجارتی پارٹنر بن گیا اوراسے سستی کپاس اور دیگر کپڑے برآمد کرنے لگا۔اگرچہ چین اب بھی نیپال اور سری لنکا میں ہندوستان سے پیچھے ہے، لیکن وہ تجارت میں یہ فرق تیزی سے کم کررہا ہے۔ہندوستان سری لنکا کا سب سے بڑا تجارتی پارٹنر ہے، لیکن 2005 کے بعد سےوہاں چین کی برآمدات کئی گنا بڑھ کر چار ارب ڈالر ہوگیا ہے۔ جار۔ی یو این آئی۔ ع ا۔ 1920