NationalPosted at: May 27 2017 3:17PM کپِل کا دواؤں کی خرید میں 300کروڑ روپے کےگھوٹالے کا الزام
نئی دہلی،27مئی(یواین آئی)وزیراعلی اروندکیجریوال پر مسلسل الزام لگانے والے دہلی کے سابق وزیر کپِل مشرا نے ریاستی حکومت کی وزارت صحت میں دوائیوں کی خرید میں 300کروڑ روپے کا گھوٹالا ہونے کا الزام لگایا ہے۔ مسٹر مشرا نے آج یہاں پریس کانفرنس میں کہا کہ حکومت کے وزارت صحت میں 300کروڑ روپے کا دوا گھاٹالا ہواہے۔اس رقم کی دوائیاں خریدی جاچکی ہیں لیکن یہ اسپتالوں میں نہیں پہنچی ہیں۔انہوں نے وزارت میں تبادلے اور تقرریوں اور ایمبولینس کی خریداری میں بھی بے ضابطگیاں کرنے کا الزام لگایا ہے۔انہوں نے کہا کہ ان تینوں گھوٹالوں پر جلد ہی ایف آئی آر درج کراؤں گا۔ کراول نگر سے رکن اسمبلی مسٹر مشرا نے کہا کہ مسٹر کیجریوال کی ’محلہ کلینک یوجنا‘پر بھی اگلے ایک دو دن میں ہوئی بے ضابطگیوں کا پردہ فاش کروں گا۔مسٹر کیجریوال پر بدعنوانی کے الزام لگانےکے بعد مسٹر مشرا کو کابینہ سے ہٹانے کے ساتھ ہی عام آدمی پارٹی سے بھی نکال دیا گیا تھا۔ انہوں نے کہا کہ سرکاری اسپتالوں میں دوائیوں کی بہت کمی ہے۔حکومت نے دوائیں خریدی لیکن اسپتالوں میں نہیں ہیں۔حکومت کے ذخیروں میں دوائیاں بھری پڑی ہیں لیکن وہ خراب ہو رہی ہیں۔کافی دوائیاں تو پہلے ہی خراب ہوچکی ہیں۔ایمبولینس خرید گھوٹالے کا ذکر کرتے ہوئےمسٹر مشرا نے کہا کہ ٹاٹا جس ایمبولینس کو آٹھ لاکھ روپے میں دینے کےلئے تیار ہے،حکومت نے انہیں 23لاکھ روپے میں خریدا۔حکومت کا کہنا تھا کہ ان ایمبولینسوں کو آگ سے نقصان نہیں پہنچے گا لیکن لانچ ہونے سے پہلے ہی دو ایمبولینس جل گئیں۔ یواین آئی۔اےایم۔