حیدرآباد29اکتوبر(یواین آئی)ہندوستانی خلائی جانچ ایجنسی(اسرو)7نومبر کو 15.02بجے اے پی کے ضلع نیلور کے سری ہری کوٹہ کے ستیش دھون خلائی مرکز سے پی ایس ایل وی سی 49کے ذریعہ ای اوایس او ون سٹلائیٹ اور دیگر 9 بیرونی سٹلائیٹس کو چھوڑے گی۔اسرو نے اس خصوص میں کئے گئے ٹوئیٹ میں یہ اطلاع دی تاہم اس نے یہ بھی واضح کیا کہ ان سٹلائیٹس کو چھوڑا موسمی حالات پر منحصر ہوگا۔یہ ہندوستانی پولار سٹلائیٹ لاونچ وہیکل کا 51واں مشن ہوگا۔ای او ایس ون زمین کا مشاہداتی سٹلائیٹ ہوگا جس کا مقصد زراعت،جنگلاتی علاقوں اور ڈیزاسٹر مینجمنٹ میں تعاون ہے۔ساتھ ہی دیگر صارفین کے سٹلائیٹس بھی ہوں گے جو نیو انڈیا اسپیس انڈیا لمیٹیڈ (این ایس آئی ایل)محکمہ خلا کے تجارتی معاہدہ کے تحت چھوڑے جائیں گے۔کوویڈ19وبا کے اصولوں کے پیش نظر سری ہری کوٹہ میں میڈیا کو اجازت نہیں رہے گی۔ان سٹلائیٹس کو چھوڑے جانے کے موقع پر اس کا مشاہدہ ممکن نہیں ہوگا کیونکہ اسرو کی لانچ ووینک گیلری بند رہے گی تاہم ان سٹلائیٹس کو چھوڑے جانے کا مشاہدہ براہ راست اسرو کی ویب سائٹ،یوٹیوب،فیس بک اور ٹوئیٹر کے ذریعہ کیاجاسکتا ہے۔اسرو کا 2020میں یہ پہلا لانچ مشن ہوگا کیونکہ کوویڈ 19وبا اور اس کے بعد لاک ڈاون کے نتیجہ میں اس کی سرگرمیاں متاثر ہوئیں۔ان سٹلائیٹس کو چھوڑے جانے کی تیاریوں میں تیزی کو یقینی بنانے کے لئے اسرو نے ورچول لانچ کنٹرول سنٹر تیار کیا ہے۔اس کے ذریعہ تروننتاپورم کے وی ایس ایس سی کے ذریعہ خلائی بندرگاہ سے راکٹ سسٹم کی جانچ کی جائے گی۔یہ کام وبا کے پیش نظر اسرو کے عہدیداروں کے سفر کے خطرہ کو کم کرنے کے لئے کیاگیا ہے۔اسرو کا آخری مشن سری ہری کوٹہ سے پی ایس ایل وی سی 48تھا جو 11دسمبر2019کو چھوڑاگیا تھا۔
یواین آئی وخ