RegionalPosted at: Oct 15 2018 10:21PM ملک میں آزادی کے بعد کافی ترقی ہوئی :راہل گاندھی
ڈبرا،15اکتوبر(یواین آئی)کانگریس صدر راہل گاندھی نے ملک میں دہائیوں تک کانگریس کی حکومت ہونے کے باوجود ترقی نہ ہونے کا الزام لگانے والے رہنماؤں کو جم کر آڑے ہاتھوں لیتے ہوئے آج کہاکہ آزادی کے وقت ملک میں کچھ نہیں تھا ،لیکن آج سڑک ،بجلی ،ریل ،جہاز اور دیگر سہولیات موجودہیں ،جو ہماری پارٹی کی ہی دین ہیں ۔
مسٹر گاندھی نے اپنے مدھیہ پردیش دورے کے پہلے دن گوالیار ضلع میں ڈبرامیں انتخابی ریلی سے خطاب کرتے ہوئے کہاکہ یہ سب ترقی نہیں تو اور کیاہے ۔انھوں نے کہاکہ چارسال سے حکومت کرنے والے وزیراعظم نریندرمودی کہتے ہیں کہ ملک میں پہلے ترقی نہیں ہوئی ۔ملک میں آج ہرطرف ترقی نظر آتی ہے ۔یہ سب کانگریس کے دورحکومت میں ہوئے میں ہوئے کاموں کا ہی نتیجہ ہے ۔
مسٹر گاندھی نے رافیل طیارہ سودے اور دیگر مسائل پر مرکزی حکومت کو گھیرا،تو ویاپم اور ای ٹنڈر گھپلہ کے معاملہ میں ریاست کی شیوراج سنگھ چوہان حکومت کونشانہ بنایا۔انھوں نے دیگر معاملے بھی اٹھائے اور کہاکہ کانگریس کی حکومت بننے کے بعد سبھی کے مفاد میں کام کریں گے ۔اس سے قبل انھوں نے پڑوسی دتیا ضلع ہیڈکوارٹر میں بھی انتخابی ریلی سے خطاب کیا۔
مسٹر گاندھی آج سے گوالیار چمبل زون کے دودن کے دورے پر ہیں ۔اس زون میں سینئر کانگریسی لیڈر جیوترآدتیہ سندھیا کا اچھا خاصہ اثر مانا جاتاہے ۔مسٹر سندھیا کے علاوہ ریاستی کانگریس صدر کمل ناتھ بھی اس موقع پر موجود تھے ۔مسٹر گاندھی رات کو گوالیار میں قیام کریں گے ۔
یواین آئی۔ایف اے