SportsPosted at: Jan 16 2021 5:12PM اس طرح آوٹ ہونے کا ملال نہیں : روہت شرمابرسبین، 16 جنوری (یواین آئی) ہندوستان کے اسٹار سلامی بلےباز روہت شرما ایک مرتبہ پھر اچھی شروعات کو بڑی اننگز میں تبدیل کرنے میں ناکام رہے لیکن انہوں نے کہا کہ انہیں اس طرح آوٹ ہونے کا کوئی ملال نہیں ہے۔ روہت نے آسٹریلیا کے خلاف چوتھے ٹسٹ کے دوسرے دن ہفتہ کے روز پہلی اننگز میں 74 گیندوں میں چھ چوکوں کی مدد سے 44 رن بنائے۔ روہت جب کھیل رہے تھے تو ایسا محسوس ہو رہا تھا کہ وہ بڑی اننگز کھیلیں گے لیکن روہت ناتھن لیون کی گیندپر غیرضروری شاٹ کھیل کر آوٹ ہوگئے ۔