NationalPosted at: Mar 11 2018 5:59PM دلتوں کی کثیر آبادی والے گاؤں آدرش گرام قرار دئے جائیں: پاسوان
نئی دہلی 11 مارچ (یو این آئی) لوک جن شکتی پارٹی نے دلتوں کی 20 فیصد سے زائد آبادی والے گاؤوں کو وزیر اعظم آدرش گرام قرار دینے اور صنعت کی طرح زراعت کے لئے پانچ ہزار کروڑ روپیے کے فنڈ کو قائم کرنے کا مطالبہ کیا ہے۔
ایل جے پی کےصدر رام ولاس پاسوان نے آج یہاں پارٹی کی قومی مجلس عاملہ کے اجلاس کے بعد پریس کانفرنس میں کہا کہ دلتوں کی کثیرآبادی والے 80 فیصد گاؤں اب بھی بے توجہی کے شکار ہیں اور وہاں بنیادی سہولیات بھی دستیاب نہیں ہیں۔ ان گاؤوں میں سڑک، پینے کا پانی، بجلی، اسکول اور اسپتال کی سہولیات فراہم کرنے کی ضرورت ہے۔ اس سے وہاں کے لوگ معاشرہ کے اصل دھارے میں شامل ہو سکیں گے۔
مسٹر پاسوان نے کہا کہ کم از کم پانچ ہزار کی آبادی کے لئے ایک بنیادی صحت مرکز قائم کیا جانا چاہئے۔ انہوں نے کہا کہ کسانوں کو متعدد قسم کےمسائل کو سامنا کرنا پڑتا ہے اور زراعت کے لیے سرمایہ ان کا سنگین مسئلہ ہے۔اس صورت حال میں حکومت کو کسانوں کے لئے صنعتوں کی طرز پر پانچ ہزار کروڑ روپیے کا فنڈ قائم کیا جانا چاہئے۔
انہوں نے عدلیہ میں ایس سی اور ایس ٹی کو ریزرویشن دینے کا مطالبہ دہراتے ہوئے کہا کہ ان کی پارٹی دیگر آل انڈیا سروسز کی طرح عدالتی سروس کمیشن کے قیام کا مطالبہ کرتی ہے۔تعلیم کے میدان میں حکومت کو ایسی بندوبست کرنا چاہیے جس سے ذاتی اور سرکاری اسکولوں میں یکساں تعلیم ہو اور سب کو تعلیم کے لئے یکساں مواقع دستیاب ہوں۔
یو این آئی-ص ا