نئی دہلی، 29 مارچ (یو این آئی)ارریہ کانگریس کے سینئر لیڈر اویس یاسین نے بہار میں راشٹریہ جنتا دل (آر جے ڈی) پر من مانی کا الزام عائد کرتے ہوئے کہا کہ اگر آر جے ڈی کو بھارتیہ جنتا پارٹی (بی جے پی) کو شکست دینا ہے تو اسے کانگریس کو بہار میں باعزت مقام اور مناسب سیٹیں دینی ہوگی انہوں نے بی جے پی کا خوف دلاکر مسلمانوں کا استحصال بند کرنے کی اپیل کرتے ہوئے کہا کہ مسلمان آر جے ڈی کو یکمشت ووٹ دیتے ہیں لیکن آر جے ڈی مسلمانوں کو ووٹ دلانے میں ہمیشہ ناکام رہی ہے۔ انہوں نے کہاکہ اگر آر جے ڈی کو صحیح معنوں میں بی جے پی کا بہار میں مقابلہ کرنا ہے تو پہلے اپنے کنبے (یادو) کو ٹھیک کریں اور سیکولر پارٹیوں کو ووٹ دینے پر آمادہ کریں اورجس طرح یادو امیدوار کو مسلمان ووٹ دتے ہیں اسی طرح یادو کو بھی مسلم امیدوارکو ووٹ دینے پر آمادہ کریں۔
انہوں نے کہاکہ الیکشن کا بگل بج چکا ہے۔ اتحاد کا امکان ہے لیکن اتحاد میں شامل کچھ پارٹیاں اپنی من مانی حرکتیں کرکے کانگریس کو نقصان پہنچانے کی کوشش کر رہی ہیں۔اگلی بار بہار میں کانگریس نے 5 میں سے ایک سیٹ جیتی تھی۔آر جے ڈی نے بہار میں کبھی ایک بھی سیٹ نہیں جیتی تھی۔آر جے ڈی نے سمبل کو تقسیم کرنا شروع کر دیا ہے۔ کانگریس ان سیٹوں پر بھی امیدوار اتار رہی ہے جہاں کانگریس کے سینئر لیڈروں کو الیکشن لڑنا ہے۔ایسا لگتا ہے کہ جب سے تیجسوی یادو نے باگ ڈور سنبھالی ہے، ان کی حکمت عملی عجیب ہے۔انہوں نے الزام لگایا کہ وہ کانگریس کے ساتھ اتحاد میں رہ کر کانگریس کو نقصان پہنچانے پر تلے ہوئے ہیں۔ تیجسوی یادو کی حکمت عملی سے لگتا ہے کہ وہ بی جے پی کو نہیں بلکہ کانگریس کو نقصان پہنچانے کی کوشش کر رہے ہیں۔ان کے ارادے صاف نہیں لگ رہے ہیں۔آر جے ڈی اب لالو یادو جیسا نہیں لگتا ہے۔
یو این آئی۔ ع ا۔