NationalPosted at: Jun 23 2022 3:07PM شیلجا سمیت چار لیڈر کانگریس ورکنگ کمیٹی کے نئے ممبر بنے
نئی دہلی، 23 جون (یو این آئی) کانگریس نے سابق مرکزی وزیر کماری شیلجا اور سینئر لیڈر ابھیشیک منو سنگھوی سمیت چار لوگوں کو پارٹی کی اعلیٰ ترین پالیسی ساز تنظیم کانگریس ورکنگ کمیٹی کا ممبر مقرر کیا ہے۔
جمعرات کو یہ جانکاری دیتے ہوئے کانگریس جنرل سکریٹری کے سی وینوگوپال نے کہا کہ پارٹی صدر سونیا گاندھی نے ان تمام ناموں کو منظوری دے دی ہے۔
انہوں نے کہا کہ کماری سیلجا اور مسٹر سنگھوی کو ورکنگ کمیٹی کا ممبر بنایا گیا ہے جبکہ ٹی وی سبارامی ریڈی کو مستقل مدعو کے طور پر اور اجے کمار للو کو خصوصی مدعو کے طور پر ورکنگ کمیٹی میں شامل کیا گیا ہے۔
یواین آئی۔ ظ ا