RegionalPosted at: Jan 26 2020 6:24PM کشمیر: مکمل ہڑتال اور سخت سیکورٹی انتظامات کے بیچ یوم جمہوریہ کی تقریبات
سری نگر، 26 جنوری (یو این آئی) وادی کشمیر میں اتوار کے روز ملک کے 71 ویں یوم جمہوریہ کے موقع پر غیر اعلانیہ اور مکمل ہڑتال کے سبب معمولات زندگی معطل رہے۔
جہاں سری نگر کے ہائی سیکورٹی زون میں واقع شیر کشمیر کرکٹ اسٹیڈیم میں ہونے والی یوم جمہوریہ کی تقریب کے پیش نظر جنگجوئوں کے کسی بھی حملے کو ناکام بنانے یا لوگوں کی طرف سے احتجاجی مظاہروں کو روکنے کے لئے سری نگر کے بعض حصوں میں اتوار کو سیکورٹی رکاوٹیں کھڑی دیکھی گئیں وہیں سیکورٹی خدشات کے پیش نظر وادی بھر میں مواصلاتی خدمات زائد از بارہ گھنٹوں تک منقطع رکھی گئیں۔
تاہم گزشتہ تین دہائیوں میں پہلی مرتبہ سری نگر کے پائین شہر (پرانے شہر) اور سول لائنز کے تاریخی لالچوک و مائسمہ میں یوم جمہوریہ کے موقع پر کرفیو جیسی پابندیاں نافذ نہیں کی گئیں۔
یوم جمہوریہ اور یوم آزادی کے موقع پر پائین شہر اور سول لائنز میں کرفیو جیسی پابندیاں نافذ کرنا ایک معمول بن چکا تھا۔ دونوں علاقوں میں ان موقعوں پر سڑکوں کو خاردار تار سے سیل کیا جاتا تھا۔
...یو این آئی ظ ح بٹ