بھوپال 08 اگست (یواین آئی)مدھیہ پردیش کے وزیراعلیٰ شیوراج سنگھ چوہان نے کہا ہے کہ وزیراعظم نریندر مودی کی موثرقیادت میں ملک میں گڈ گورننس کے میدان میں مثبت تبدیلیاں ہورہی ہیں۔
سرکاری معلومات کے مطابق مسٹر چوہان آج خودکفیل مدھیہ پردیش کے تحت گڈ گورننس موضوع پر منعقد ویبینار کے اختتامی اجلاس کو مخاطب کررہے تھے۔انہوں نے کہا کہ مدھیہ پردیش گڈ گورننس اور خود کفیل ہندوستان کے تصور کو عملی شکل دینے کے لیےپرعزم ہے اور اس کے لیےریاست میں تیز رفتاری سے کام ہورہا ہے۔
انہوں نے کہا کہ ماہرین کے ساتھ ویبینار کے انعقاد کا مقصد مختلف شعبوں میں اہم منصوبے بنا کر ،انہیں موثر طریقہ سے ریاست میں نافذ کرنا ہے۔ویبینار میں منتھن کے بعد نکلے امرت کو عوام تک پہنچانے میں مدھیہ پردیش میں فوری اثر سے کام ہوگا۔ریاست میں سرکاری عملے اور عوام میں کامل طرززندگی اور مثبت سوچ بڑھانے میں ریاست آنند سنستھان نے نمایاں کردار ادا کیا ہے۔
وزیراعلیٰ نے کہا کہ اس سے سرکاری عملے کےکام کرنے کے طریقے میں تبدیلی آئی ہے اور وہ روتے گاتے کام کرنے کی جگہ پر ۔صرف نوکری کے لیے نہیں،بلکہ ایک بڑے مقصد سے ریاست کی ترقی کے لیے کام کررہا ہے۔انہوں نے نیتی آیوگ کی ساتھیوں سے درخواست کی کہ وہ اس تبدیلی کا جائزہ لیں۔
ویبیانر میں سہستر بدھے نے کہا کہ مدھیہ پردیش نے مسٹر چوہان کی بااثر قیادت میں گڈگورننس کے شعبے میں ریکارڈ قائم کیے ہیں۔مدھیہ پردیش میں نافذ پبلک سروس گارنٹی ایکٹ کو دیگر ریاستوں نے بھی نافذ کیا ہے۔یہ گڈ گورننس کے نقطہ نظر نے بہت کارآمد ہے۔اس کے ساتھ ہی مدھیہ پردیش میں زراعت اور روزگار میں اضافہ کے تعلق سے قابل ذکر کام ہورہے ہیں۔مدھیہ پردیش کے ذریعہ شروع کیا گیا’روزگار سیتو‘پورٹل بہت موثر ہے۔
یواین آئی۔الف الف