InternationalPosted at: Mar 5 2021 10:17PM دنیا میں کورونا متاثرین کی تعداد 11.56 کروڑ سے متجاوز
واشنگٹن/ ریو ڈی جنیرو / نئی دہلی ، 5 مارچ (یواین آئی) دنیا بھر میں کورونا وائرس (کووڈ-19) سے متاثرہ افراد کی تعداد 11.56کروڑ سے تجاوز کر چکی ہے اور اب تک اس وبا کی وجہ سے 25.69 لاکھ سے زیادہ افراد ہلاک ہوچکے ہیں۔
امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ اعداد و شمار کے مطابق دنیا کے 192 ممالک اور خطوں میں کورونا متاثرین کی تعداد بڑھ کر 11 کروڑ 56 لاکھ 16 ہزار سے زیادہ ہوگئی ہے جبکہ 25 لاکھ 69 ہزارسے زیادہ اس بیماری سے ہلاک ہوچکے ہیں۔
عالمی سپرپاور مانے جانے والے امریکہ میں کورونا کا قہر جاری ہے اور یہاں متاثرین کی مجموعی تعداد بڑھ کر دوکروڑ 88 لاکھ 25 ہزارسے زیادہ ہوگئی ہے، جبکہ 5.20 لاکھ سے زیادہ افراد اپنی جانوں سے ہاتھ دھو بیٹھے ہیں۔
ہندوستان میں متاثرہ افراد کی تعداد ایک کروڑ 11 لاکھ 73 ہزار سے تجاوز کر چکی ہے، حالانکہ یہاں ایک کروڑ آٹھ لاکھ 39 ہزار 894 کورونا سے نجات حاصل کرچکے ہیں۔وہیں اموات کااعدادوشمار بڑھ کر ایک لاکھ 57 ہزار 548 ہوگیا ہے۔
ایک کروڑ سے زیادہ کورونا معاملات کی تعداد والے تین ممالک میں شامل برازیل میں اب تک ایک کروڑ سات لاکھ 93 ہزار سے زیادہ افارا متاثر ہوچکے ہیں اور 2.60 لاکھ سے زیادہ مریضوں کی موت ہوئی ہے۔
جاری یواین آئی۔الف الف