جموں، 14دسمبر ( یو این آئی ) جموں وکشمیر کے ضلع ریاسی کے سرجن دھاد علاقے میں جمعرات اور جمعہ کی درمیانی شب کو ایک کار ڈرائیور کے قابو سے باہر ہوکر گہری کھائی میں جاگری جس کے نتیجے میں 7افراد کی موت واقع ہوگئی جبکہ 3 دیگر زخمی ہوگئے ۔
پولیس ذرائع کے مطابق سرجن دھارسے چورا کوٹ کی طرف جارہی ایک کار زیر نمبر JK02H 1515 سرجن دھاد کے نزدیک چورا کوٹ کے مقام پرشاہراہ سے لڑھک کر گہری کھائی میں جا گری ۔حادثہ کی اطلاع موصول ہوتے ہی پولیس اورمقامی لوگ جائے حادثہ پر پہنچ گئے اور راحت و بچاؤ کاروائیاں شروع کردیں ۔
اس حادثہ میں 7 افراد کی موت موقع پر ہی ہوگئی جبکہ3 زخمیوں کو علاج کے لئے مقامی اسپتال پہنچایا گیا جہاں ڈاکٹروں نے نازک دیکھتےہوے انہیں بہتر علاج ومعالجہ کے لئے میڈیکل کالج و اسپتال جموں منتقل کر دیا ہے ۔
یو این آئی. ک ج۔ شا پ۔ 1221