OthersPosted at: Jan 5 2018 9:26PM aچارا گھپلے میں لالوسمیت 11افرادکی سزاکے تعین پر سماعت مکمل ،کل سنائی جائیگی سزا
رانچی ،5جنوری (یواین آئی)چاراگھپلے میں قصوروارقراردئے گئے راشٹریہ جنتادل (آرجے ڈی ) کے صدر اور بہار کے سابق وزیراعلی لالوپرساد یادوسمیت 11قصور واروں کی سزاکے تعین پر سی بی آئی کی خصوصی عدالت میں آج سماعت مکمل ہوگئی اور انھیں کل سزاسنائی جائیگی۔
سی بی آئی کے خصوصی جج شیوپال سنگھ کی عدالت میں دیوگھر سرکاری خزانہ سے غیر قانونی طور پر رقم نکالنے کے معاملہ میں ویڈیوکانفرنسنگ کے ذریعہ مسٹر یادو،سابق رکن پارلیمنٹ آر کے رانا،سابق ترقیاتی کمشنر پھول چند سنگھ،سابق آئی اے ایس افسر مہیش پرساد، سابق ٹریزری افسر سبیر بھٹا چاریہ ، راج رام جوشی ،ترپوراری موہن پرساد،سنیل کمار سنہا،سشیل کمار سنہا،سنیل گاندھی اور سنجے کمار اگروال کی سزاکے تعین پر سماعت مکمل ہوگئی ہے ۔
آرجے ڈی صدر کے وکیل چترنجن پرساد نے بتایا کہ اس معاملہ میں قصور وار قراردئے گئے سبھی 16افرادکو کل ہی ویڈیوکانفرنسنگ کے ذریعہ سزاسنائی جائیگی۔
برسامنڈا سنٹرل جیل میں ویڈیوکانفرنسنگ کے دوران مسٹر یادو کے ساتھ موجود انکے وکیل نے عدالت سے گزارش کرتے ہوئے کہا کہ انکے موکل بزرگ ہیں ، حال ہی میں انکی اوپن ہارٹ سرجری ہوئی ہے اور وہ کئی بیماریوں میں مبتلاہیں ۔ایسے میں انکی عمر اور صحت کو ذہن میں رکھتے ہوئے انھیں کم سے کم سزادینے پر غورکیا جائے ۔
یواین آئی۔ایف اے