OthersPosted at: Mar 28 2024 6:13PM ایل سی اے ایم کے1 اے کی کامیاب پرواز
بنگلورو، 28 مارچ (یو این آئی) تیجس ایم کے 1 اے ایئر کرافٹ سیریز کے پہلے طیارے ایل اے 5033 نے جمعرات کو یہاں ایچ اے ایل کی فیسلٹی سے کامیابی کے ساتھ پرواز کی۔
جغرافیائی سیاسی وجوہات کی وجہ سے عالمی سپلائی چین میں چیلنجوں کا سامنا کرنے کے باوجود، ایچ اے ایل ہوائی جہاز کے ڈیزائن اور ترقی کے ساتھ ساتھ یہ سنگ میل حاصل کرنے میں کامیاب رہا۔
ایچ اے ایل کے سی ایم ڈی سی بی اننت کرشنن نے چیلنجوں کے پیش نظر اس کامیابی کی اہمیت پر زور دیا۔
انہوں نے کہا کہ ایچ اے ایل نے فروری 2021 میں معاہدے پر دستخط کے بعد عالمی جغرافیائی سیاسی ماحول میں سپلائی چین کے بڑے چیلنجوں کے درمیان ہم آہنگی ڈیزائن اور ترقی کے ساتھ یہ اہم پیداواری سنگ میل حاصل کیا۔
18 منٹ کی پرواز کو چیف ٹیسٹ پائلٹ، گروپ کیپٹن کے کے وینوگوپال (ریٹائرڈ) نے چلایا۔
ایچ اے ایل نےتیجس ایم کے 1 اے کی کامیابی کے لئے وزارت دفاع، ہندوستانی فضائیہ،ڈی آر ڈی او۔اے ڈی اے، سی ای ایم آئی ایل اے سی، ڈی جی کیو اے اور ایم ایس ایم ای سمیت مختلف اسٹیک ہولڈررز کا شکریہ ادا کیا۔
تیجس ایم کے 1 اے کے بارے میں خیال کیا جاتا ہے کہ اس میں جدید الیکٹرانک ریڈار، جنگی سازوسامان، مواصلاتی نظام، اضافی جنگی صلاحیتیں اور دیکھ بھال کی بہتر سہولیات ہیں، جو اس کی مجموعی کارکردگی اور تاثیر میں اضافہ کریں گی۔
یو این آئی۔ م ع۔1805