سیول ، 21 فروری (یو این آئی ) وزیر ِ اعظم نریندرمودی جنوبی کوریا کے دوروزہ دورے پر جمعرات کی صبح سیول پہنچ گئے ۔ مسٹر مودی کو قومی اور بین الاقومی سطح پر شاندار شراکت کے لئے جمعہ کو ’سیول امن انعام ‘ سے نوازا جائے گا ۔ انہیں پیس پرایز کلچرل فاونڈیشن کی جانب سے منعقدہ ایک تقریب میں یہ انعام دیا جائے گا ۔
وزیر ِ داخلہ کے ترجمان رویش کمارنے ٹویٹ کر کے کہا کہ ’’ ایکٹنگ ایسٹ: پالیسی سے کام تک ، وزیرِ اعظم نریندر مودی مئی 2015 کے بعد اپنے دوسرے دورے پر کوریا کے سیول پہنچ گئے ہیں ۔ اپنے سفر کے دوران وزیرِ اعظم دوطرفہ اور تجارتی بات چیت کے علاوہ مہاتما گاندھی کے مجسمہ کی نقاب کشائی کریں گے ۔ وہ اس دوران سیول امن انعام بھی لیں گے ‘‘۔
روانہ ہونے سے قبل وزیر اعظم نے جنوبی کوریا کو ہندوستان کا ایک اہم دوست قرار دیتے ہوئے کہا کہ ہندوستان اس کے ساتھ اپنے تعلقات کو نئی بلندیوں تک کے لےجانے کے لئے پرعزم ہے ۔
انہوں نے کہا ’’ہم کوریا جمہوریہ کو خاص دوست مانتے ہیں ، اس کے ساتھ ہمارے خصوصی اسٹریٹجک تعلقات ہیں ، ہم اپنے تعلقات کو دونوں مملک کے عوام کی خوشحالی اور امن کے لئے مستقبل پر مبنی شراکت داری کی سمت آگے لے جانے کے لئے پرعزم ہیں ‘‘ ۔ انہوں نے کہا ہندوستان کی’ ایکٹ ایسٹ پالیسی‘اور جنوبی کوریا کی’ نیو سدرن پالیسی ‘سے ہمارے رشتوں میں گہرائی اور قربت بڑھی ہے ۔ مسٹر مودی بڑے کاروباریوں ، ہندوستانی نژاد لوگوں اور مختلف شعبوں کی شخصیات سے بھی ملاقات کریں گے ۔ یہ پانچ سال کی مدت کار میں دوسرا جنوبی کوریا کا دورہ ہے اورمسٹر مون کے ساتھ دوسری چوٹی بات چیت ہے ۔ مسٹر مودی نے یقین دلایا کہ ان کے جنوبی کوریا کے دورے سے دونوں ممالک کی اس اہم شراکت داری کومزید مضبوطی فراہم کرنے میں مدد ملے گی ۔
یو این آئی ۔ ک ج۔م ع۔ 1045