جے پور، 11 دسمبر (یو این آئی) راجستھان میں اسمبلی انتخابات کے ووٹوں کی گنتی کے پہلے راونڈ میں کانگریس نے حکمراں بی جے پی سے سبقت حاصل کرلی ہے۔
وزیراعلی وسندھرا راجے کانگریس کے صدر سچن پائلٹ، سابق وزیراعلی اشوک گہلوت، سابق مرکزی وزیر سی پی جوشی سمیت کئی بڑے لیڈر آگے چل رہے ہیں لیکن ریاستی وزیر داخلہ گلاب چندکٹاریہ کانگریس کی گرجا ویاس سے پیچھے چل رہے ہیں۔ رکن پارلیمان رگھو شرما کیکری سے آگے چل رہے ہیں لیکن بی جے پی رکن پارلیمان کرنل سونارام پیچھے ہوگئے ہیں۔
بی جے پی کے وزیر ارون چترویدی کانگریس کے پرتاپ سنگھ کھاچرویاس سے پیچھے چل رہے ہیں۔ کانگریس سے بغاوت کرکے الیکشن لڑنے والے سروہی سے سنیم لوڈا، پالی مارواڈ سے سکھبیر جوجاور، جیتارام سے جتیندر آگے چل رہے ہیں۔
بی جے پی کے وزیر راجندر راٹھوڑ اور کرن مہیشوری آگے چل رہے ہیں۔ اسمبلی اسپیکر کیلاش میگھوال آگے لیکن اسمبلی کے ڈپٹی اسپیکر راو راجندر سنگھ پیچھے چل رہے ہیں۔
یو این ائی ۔ م ع۔0945