NationalPosted at: Apr 1 2023 3:03PM کووڈ متاثرین کی تعداد 16 ہزار سے متجاوز
نئی دہلی، یکم اپریل (یو این آئی) گزشتہ 24 گھنٹوں کے دوران ملک میں کووڈ انفیکشن کے تقریباً تین ہزار نئے معاملے سامنے آئے ہیں اور اس کے ساتھ ہی متاثرہ افراد کی کل تعداد 16 ہزار سے تجاوز کر گئی ہے۔
صحت اور خاندانی بہبود کی مرکزی وزارت نے ہفتہ کو یہاں بتایا کہ ملک میں گزشتہ 24 گھنٹوں کے دوران 2994 نئے لوگ کووڈ سے متاثر ہوئے ہیں۔ اس کے ساتھ ہی کووڈ متاثرین کی تعداد بڑھ کر 16354 ہو گئی ہے اور انفیکشن کی شرح 2.09 فیصد ریکارڈ کی گئی ہے۔
وزارت کے مطابق گزشتہ 24 گھنٹوں میں 1840 لوگ کووڈ انفیکشن سے صحت یاب ہوئے ہیں۔ ری کوری کی شرح 98.77 فیصد ہے۔ اسی عرصے میں 143364 کووڈ انفیکشن ٹیسٹ کیے گئے ہیں۔
گزشتہ 24 گھنٹوں کے دوران 9981 کووڈ ویکسین لگائی گئی ہیں۔ اس کے ساتھ ہی ملک میں 220.66 کروڑ سے زیادہ کووڈ ویکسین لگائی جاچکی ہیں۔
یو این آئی۔ این یو۔