نئی دہلی، 29مارچ (یو این آئی)لوک سبھا انتخابات کے شاندار تہوار کی ہلچل کے درمیان ایک ایسی خبر آئی جس نے دل و دماغ میں چند لمحات کے لیے ایک جمود سا پیدا کردیا ہندوستان کے روحانی پیشوا شریمت سوامی اسمرنانندجی مہاراج کا سمادھی لینا میرے لئے ذاتی نقصان جیسا ہے چند برس قبل سوامی آتمستھانند جی کا مہا پریان اور اب سوامی اسمرنانند کی ابدی سفر پر روانگی نے کتنے ہی لوگوں کو سوگوار کر دیا تھا۔ مجھے بھی کروڑوں بھکتوں، سنتوں اور رام کرشن مٹھ اور مشن کے پیروکاروں جیسا ہی صدمہ پہنچاہے ان خیالات کا اظہاروزیر اعظم نریندر مودی نے یہاں جاری ایک مضمون میں کیا۔
انھوں نے کہا کہ اس مہینے کے آغاز میں اپنے بنگال سفر کے دوران ، میں نے اسپتال جاکر سوامی اسمرنانندجی کی صحت کے بارے میں معلومات حاصل کی تھی۔ سوامی آتمستھانند جی کی طرح، سوامی اسمرنانندجی نے اپنی پوری زندگی کو آچاریہ رام کرشن پرم ہنس، ماتا شاردا اور سوامی وویکانند کے خیالات و نظریات کو دنیا بھر میں پھیلانے کے لیے وقف کیا۔ یہ مضمون تحریر کرتے وقت میرے میرے ذہن میں ان سے ہونے والی ملاقاتیں ، ان سے ہونے والی باتیں ، وہ یادیں تازہ ہو رہی ہیں۔جنوری 2020 میں بیلور مٹھ میں قیام کے دوران، میں نے سوامی وویکانند جی کے کمرے میں بیٹھ کر دھیان کیا تھا۔ اس سفر میں، میں نے سوامی اسمرنانندجی سے سوامی آتمستھانند جی کے بارے میں کافی دیر تک بات کی تھی۔
وزیر اعظم نے کہا کہ آپ جانتے ہیں کہ رام کرشن مشن اور بیلور مٹھ کے ساتھ میرا کتنا گہرا رشتہ رہا ہے۔ روحانیت کے متلاشی کے طور پر، پانچ دہائیوں سے بھی زیادہ کی مدت میں، مجھے مختلف سنتوں اور مہاتماو¿ں سے ملاقات کا موقع ملااور کئی جگہوں پر میں نے قیام کیا ہے۔ رام کرشن مٹھ میں بھی، مجھے روحانیت کے لئے زندگی وقف کر نے والے جن سنتوں سے واقفیت حاصل ہوئی، ان میں سوامی آتمستھانند جی اور سوامی اسمرنانندجی جیسی شخصیات نمایاں تھیں۔ ان کے مقدس خیالات اور ان کے علم نے میرے ذہن کو مستقل اطمینان بخشا۔ زندگی کے سب سے اہم دور میں ایسے ہی سنتوں نے مجھے جن سیوا ہی پربھو سیوا کا حقیقی اصول سکھایا۔
انھوں نے کہا کہ سوامی آتمستھانند جی اور سوامی اسمرنانندجی کی زندگی رام کرشن مشن کے اصول ’آتمنو موکشارتھم جگددھیتائے چہ‘ کی انمٹ مثال ہیں۔رام کرشن مشن کے ذریعے تعلیم کے فروغ اور دیہی ترقی کے لیے کیے جا نے والے کاموں سے ہم سبھی کوتحریک ملتی ہے۔ رام کرشن مشن بھارت کے روحانی شعور، عوام کو تعلیمی اعتبار سے بااختیار بنانے اور انسانی خدمت کے عزم پر کام کر رہا ہے۔ 1978 میں جب بنگال میں سیلاب کی تباہی آئی تو رام کرشن مشن نے اپنی بے لوث خدمات سے سب کے دل جیت لیے تھے۔ مجھے یاد ہے، 2001 میں کچَھ کے زلزلے کے دوران، سوامی آتمستھانند ان اولین لوگوں میں سے ایک تھے جنہوں نے مجھے فون کرکے یہ کہا کہ رام کرشن مشن اس قدرتی آفت سے نمٹنے کے لیے ہر ممکن مدد فراہم کرنے کے لیے تیار ہے۔ ان کی ہدایات کے مطابق، رام کرشن مشن نے زلزلے کے اس بحران کے دوران لوگوں کی بہت مدد کی۔
گزشتہ برسوں میں، سوامی آتمستھانند جی اور سوامی اسمرنانندجی نے مختلف عہدوں پر فائز رہتے ہوئے معاشرے کو بااختیار بنانے پر بہت زور دیا۔ جو بھی لوگ ان عظیم ہستیوں کی زندگی کے بارے میں جانتے ہیں ، انہیں یہ ضرور یاد ہوگا کہ آپ جیسے سنت ماڈرن لرننگ، اسکلنگ اور خواتین کو بااختیار بنانے کے لیے کتنے سنجیدہ تھے۔
انھوں نے کہاکہ سوامی آتمستھانند جی کی عظیم شخصیت کی جس خاصیت سے میں سب سے زیادہ متاثر تھا وہ تھی ہر ثقافت ، ہر روایت کے تئیں ان کی محبت ، ان کا احترام۔ اس کی وجہ یہ تھی کہ انہوں نے بھارت کے الگ الگ حصوں میں ایک طویل عرصہ گزارا تھا اور وہ مسلسل سفر کیا کرتے تھے۔ انہوں نے گجرات میں رہ کر گجراتی بولنا سیکھا۔ یہاں تک کہ مجھ سے بھی وہ گجراتی میں ہی بات کرتے تھے۔ مجھے ان کی گجراتی بھی بہت پسند تھی۔
ہندوستان کی ترقی کے سفرکے کئی مقامات پر ، ہماری مادر وطن کو سوامی آتمستھانند جی، سوامی اسمرنانندجی جیسے کئی سنتوں مہاتماو¿ں کا آشیرواد حاصل ہوا ہے، جنہوں نے ہمیں سماجی تبدیلی کا ایک نیا شعور بخشا ہے۔ ان سنتوں نے ہمیں ایک ساتھ مل کر معاشرے کی فلاح و بہبود کے لیے کام کرنے کی تعلیم دی ہے۔ یہ اصول اب تک لازوال ہیں اور آنے والے وقت میں یہ خیال وکست بھارت اور امرت کال کی سنکلپ شکتی بنیں گے۔
وزیر اعظم نے آخر میں کہا کہ میں ایک بار پھر پورے ملک کی جانب سے، ایسی سنت آتماو¿ں کو خراج عقیدت پیش کرتا ہوں۔ مجھے یقین ہے کہ رام کرشن مشن سے وابستہ تمام لوگ ان کے دکھائے ہوئے راستے کو مزید ہموار کریں گے۔خدا ان کی روخ کو سکون بخشے۔
یو این آئی۔ ایف اے۔م الف