نئی دہلی، 22 جنوری (یو این آئی) دہلی ریاستی کانگریس صدر سبھاش چوپڑا نے بھارتیہ جنتا پارٹی (بی جے پی) اور عام آدمی پارٹی (آپ) کو نشانہ بناتے ہوئے بدھ کے روز کہا کہ دونوں جماعتیں اتنی مایوس ہو گئی ہیں کہ کانگریس کے اسمبلی امیدواروں کو ہدف بنا کر نامزدگی کاغذات کی جانچ کے دوران ان پر بے تکے الزام لگا رہی ہیں۔
مسٹر چوپڑا نے آج ریاستی دفتر میں آپ پارٹی کے لیڈر کے کانگریس میں شامل ہونے کے موقع پر کہا کہ بی جے پی اور آپ کو پارٹی کا ناپاک اتحاد ایک بار پھر بے نقاب ہوا ہے۔ وزیر اعلی اروند کیجریوال کے خلاف نئی دہلی سے 74 امیدواروں کے پرچہ بھرنے کا ذکر کرتے ہوئے مسٹر چوپڑا نے کہا کہ اتنی بڑی تعداد میں اندراج اس بات کی عکاسی کرتا ہے کہ عوام ان کی عوام مخالف پالیسیوں اور کاموں کی مخالفت کر رہے ہیں۔ مسٹر کیجریوال کی تاریخ کام کرنے کی نہیں صرف تشہیر کرنے کی رہی ہے جسے دہلی کے عوام اب مکمل طور سمجھ چکے ہیں۔
ریاستی دفتر میں مسٹر چوپڑا اور روہتاس نگر اسمبلی سے پارٹی کے امیدوار وپن شرما اور مصطفی باد کے علی احمد کی موجودگی میں آپ پارٹی اور بی جے پی کی بڑی تعداد میں لیڈروں، عہدیداروں اور کارکنوں نے کانگریس کی رکنیت حاصل کی۔
روہتاس نگر اسمبلی سے آپ پارٹی کے مکیش ہڈا، سابق کونسلر انل گوتم، پرمود تیاگی اور بہت سے دوسرے لیڈر کانگریس سے وابستہ ہوئے۔ مصطفی باد آپ پارٹی کے اقلیتی ضلعی صدر ظهيرالدين، نہرو وہار وارڈ انچارج رئیس احمد، رئیس الدين اور بلال بھائی احمد نے کانگریس میں شامل ہوئے۔
یو این آئی۔ این یو۔