نیویارک، 11مئی (یو این آئی) اقوام متحدہ نے موجودہ کلنڈر سال کے لئے ہندستان کی شرح نمو کا تخمینہ 0.2فیصد بڑھاکر 7.5فیصد کردیا ہے حالانکہ اس نے ہندستان کے ترقیاتی منظر نامہ کو کافی نازک بتایا ہے۔
عالمی معاشی حالات اور امکانات پراعلی عالمی انسٹی ٹیوٹ کی طرف سے آج جاری وسطی 2021رپورٹ کے مطابق ہندستان کی مجموعی گھریلو پیداوار (جی ڈی پی) میں سال 2021میں 7.5فیصد اور 2022میں 10.1فیصد کے اضافہ کا اندازہ ہے۔ اس سال جنوری میں جاری اہم ڈبلیو ایس پی رپورٹ کے مقابلے موجودہ سال کے لئے نمو کا تخمینہ 0.2فیصد اور اگلے سال کے تخیمنہ میں 4.2فیصد کا اضافہ کیا گیا ہے۔ اقوام متحدہ کی رپورٹ میں کہا گیا ہے کہ گزشتہ برس ہندستان کی جی ڈی پی میں 6.8فیصد کی گراوٹ رہی تھی۔
رپورٹ میں ہندستان کے بارے میں کہا گیا ہے کہ ہندستان (وباکی) دوسری لہر سے بری طرح متاثر ہے جس کی وجہ سے ملک کے بڑے حصہ میں عوامی صحت نظام دباو میں ہے۔ ٹیکہ کی اہلیت کا دائر ہ بڑھایا گیا ہے اور سپلائی میں ہر ممکن اضافہ کی کوشش جارہی ہے، لیکن ٹیکہ تک پہنچ میں عدم یکسانیت ہے اور یہ بھاری مانگ پوری کرنے کیلئے ناکافی ہے۔ صورتحال کے مدنظر ہندستان کا نمو کا منظرنامہ کافی نازک ہے۔
رواں سال کے لئے عالمی شرح نمو کو 4.7فیصد سے بڑھاکر 5.4فیصد اور سال 2022کے لئے 3.4فیصد سے بڑھاکر 4.1فیصد کیا گیا ہے۔
اقوام متحدہ کی پریس ریلیز میں کہا گیا ہے کہ سال 2020میں 3.6فیصد کی تیز گراوٹ کے بعد 2021میں عالمی معیشت کی شرح نمو 5.4فیصد رہنے کا اندازہ ہے۔ جنوری میں جاری شرح نمو میں اضافہ کیا گیا ہے۔
یو این آئی۔ م ع۔ 2204