بھوپال، 28 مارچ (یو این آئی) مدھیہ پردیش کی سات لوک سبھا سیٹوں کے لئے آج نوٹیفکیشن جاری ہونے کے ساتھ ہی پرچہ نامزدگی داخل کرنے کا عمل شروع ہوجائےگا۔
سرکاری معلومات کے مطابق ریاست کی ٹیکم گڑھ، دموہ، کھجوراہو، ستنا، ریوا، ہوشنگ آباد اور بیتول سیٹوں کے لیے آج نوٹیفکیشن جاری کیا جائے گا۔ کاغذات نامزدگی 4 اپریل تک جمع کرائے جاسکتے ہیں۔ کاغذات نامزدگی کی جانچ اگلے دن 5 اپریل کو ہوگی۔ 8 اپریل کاغذات نامزدگی واپس لینے کی آخری تاریخ ہے۔
تمام سات سیٹوں پر 26 اپریل کو ووٹنگ ہوگی۔
یواین آئی۔ م س